O instrumento principal neste curso é a voz, aínda que isto non significa que teñamos que ser cantantes expertos. Centrarémonos na creación colectiva de "momentos musicais" e no desenvolvemento da capacidade de improvisar letras de xeito espontáneo.

 

Neste obradoiro de tres horas con Ángel Cantizani, de Al Tran Tran, trataremos conceptos como a escoita, o rebote, o "si a huevo", propoñer e aceptar, ou estatus, fundamentais na impro teatral, e tamén aplicables á impro musical. Ao fin e ao cabo, unha canción é coma unha historia: posúe o seu propio estilo e a súa propia forma.