Es unha desas persoas que non poden deixar de falar no escenario porque non sabes que facer? Se cadra, pásache ao contrario, que che costa articular palabra. En calquera caso, non necesitas ser mimo, só o teu corpo e ganas de xogar para facer este obradoiro.

 

Neste obradoiro de tres horas de Arturo Cobas, xogaremos co xesto e coa fisicalidade como motores creativos para crear personaxes, lugares e historias, sen necesidade de usar palabras, explorando as posibilidades do humor que hai no silencio e descubrindo a nosa propia linguaxe.