Na improvisación, o verso adoita banalizarse e reducirse a un desafío de superación, no que as improvisadoras simplemente fan rimar cada frase coa anterior. O noso obxectivo é ir máis alá desta idea, para lograr que o verso aporte valor ás historias, abrindo novas posibilidades formais e dramatúrxicas.

 

A improvisación en verso conta cos seus propios códigos, trucos e dificultades. neste obradoiro de tres horas con Víctor Castro, exploraremos o potencial deste estilo e ao mesmo tempo aprendemos a sortear os seus riscos particulares. Experimentaremos cos versos e aprenderemos a xogar coas rimas de xeito tan eficaz como divertido.